Shule ya Sekondari ya Kabanga ni shule ya serikali iliyo anzishwa januari 1990 yenye wanafunzi mchanganyiko yaani wasichana na wavulana wanao kaa bweni na wengine wanaokaa nyumbani kwao yaani wanafunzi wa kutwa.

Shule inapatikana nchini Tanzania katika mkoa wa Kagera, wilaya ya Ngara katika kata ya Kabanga pembezoni mwa barabara kuu iendayo Burundi. Shule ipo Kilometa takribani 26 kutoka Ngara mjini.

Kutokana na ukongwe wa shule na uwepo wa zana na walimu wa kutosha, shule imekuwa ikifanya vema kinidhamu na kitaaluma kwa mitihani ya ndani na ile ya kitaifa.

Shule ina mazingira mazuri na vifaa vya kutosha vya kujifunzia masomo yote ya sanaa na sayansi kuanzia kidato cha kwanza hadi cha sita. Kwa upande wa kidato cha tano na sita shule inamichepuo miwili hadi hivi sasa yaani HKL na CBG. Pia shule inafundisha masomo ya Kifaransa na masomo ya computer (ICT)

Shule ina waalimu na wafanyakazi wa kutosha, wenye uzoefu katika fani zao. Shule ina madarasa ya kutosha, mabweni kwa ajili ya wasichana na wavulana na maabara kwa ajili ya masomo ya sayansi kama vile Baologia, Kemia, na Fizikia, pia shule ina maabara kwa ajili ya masomo ya computer (TEHAMA) (ICT) yenye vifaa vingi kwa ajili ya kujifunzia

Shule ina miundombinu bora kwa ajili ya maji, umeme, viwanja na vifaa vya michezo mbalimbali kama vile mpira wa miguu maarufu kama soka, mpira wa pete, mpira wa wavu na mingine mingi, yote hiyo ni kuhakikisha walimu na wanafunzi wanakuwa na ushirikiano mzuri wa kijamii na kuimarisha afya zao

Wanafunzi wa shule ya Kabanga sekondari wanatoka katika familia zenye itikadi mbalimbali za kidini hivyo shule imewatengea wanafunzi vyumba kwa ajili ya kufanyia ibada, kuna vikundi mbalimbali vya kidini vinavyo walea wanafunzi katika maadili ya kiroho kama vile UKWATA, TAMSA, CASFETA, ASA, na TYCSS

Kwa mawasiliano

Baura pepe: kabangasec@gmail.com

0784 809 315/0754710 936 Mkuu wa shule

0717 176 000/0754 234509 Makamu Mkuu wa shule

S.L.P 86 Ngara